Caxigalines nella Reguera'l Campizu

13 febbraio 2008

VIGUEIRÍAS


A rúa Colón (coa prolongación de Concepción Arenal) é unha das miñas favoritas. Ver o mar desde a curva que enfía Urzáiz é unha das perspectivas que máis me gustan da cidade. O problema é que últimamente a visito de máis. O dentista, o avogado e o inspector de educación están aí: viven en diferentes puntos dunha recta imaxinaria que trata de enderezar a miña torta cabeciña. Todo fica na beirarrúa dereita mirando para o mar. Menos mal, penso, que para a outra beirarrúa hai puntuais redencións: o cruasán con chocolatina para a miña filla na confitería do Molino e o restaurante onde escurezo e misturo un pouco a vista cando todo semella hostil.

9 commenti:

XDC ha detto...

Veña,Arume: "Vigueirías" é a alternativa a EHP na solaina.

apicultor ha detto...

O inspector de educación? Espero que non lle sexa nada especialmente grave (a quen corresponda).

Leituga 1 ha detto...

¿A qué restaurante se refire, Arume? Agás que outorgue tal denominación ao "Luces de Bohemia", non dou enxergado restaurante ningún en Colón.

arume dos piñeiros ha detto...

Agradézolles, Da Coba e Apicultor a súa loubanza e a súa preocupación. Teño, en efecto, un pequeno asunto que, sobre todo, decepciona e entristece. Non creo que dentro de cinco anos teña a máis mínima importancia, pero hoxe está tocándome directamente os narices.
Leituga1: Non, máis abaixo, xa en Concepción Arenal. Como o cito tantas veces, xa me daba apuro poñer o nome.

apicultor ha detto...

Se se pode botar unha man, xa sabe onde me ten.

apicultor ha detto...

Acabo de remitir unha mensaxe. Confírmema.

bouzafria ha detto...

A miña rúa favorita é a máis clásica: o Paseo de Alfonso. Outra cousa sobre Vigo: estou farto dos conductores vigueses e da velocidade dos seus coches. Cada vez teño máis medo de conducir por Vigo.
Súmome aos anteriores ánimos: desexo que non lle sexa nada aquilo que lle decepciona e entristece.

Xaime ha detto...

Oiu, non se corte a hora de pedir axuda, xa sabe que os amigos están pras ocasións.

Leituga 1 ha detto...

O mesmo lle digo eu, Arume. Xa sabe onde me ten.