LUME

Arso tutto ha l’estate

Ma torni un dito d’ombra,

Ritrova il rosolaccio sangue

E di luna la voce che si sgrana

I canneti propaga

Ungaretti

 

A miudo regreso 

a esa casa do Canareggio

baixo a chuvia

que lava as pontes;

descalzo, piso a pedra e o lenzo

que escribe o río;

ascendo por mapas sen rúas

e aprendo que é noite,

e mar en lide de ondas

e lume.

Entón comprendo eses banzos

de leño e liñas mouras

como comprendo tardes

de xuño

en praias sen tempo

e ti e máis eu

deitados na herba

e a auga está morna

lista para o baño.