Caxigalines nella Reguera'l Campizu

15 maggio 2007

O SECTOR NAVAL

Os traballadores do naval levan co de hoxe nove días de folga e de protestas na rúa. Nove días nos que non se acadou ningún mínimo acordo. As queimas de contenedores, os atascos descomunais, a invasión do edificio da Xunta, a interrupción do traballo noutros centros laborais (Corte Inglés e Citroën) están a ser feitos cotiáns, sobre todo polas mañáns, nesta cidade de Vigo. Onte, ademáis, coa presencia na cidade de miles de turistas procedentes dun cruceiro, a visita a un hotel céntrico da cidade de Mariano Rajoy co habitual "despliegue de seguridá", e o son das ambulancias atrapadas nos atascos e dos altofalantes das eleccións municipais, o centro de Vigo era un increíble fervedoiro de xente. A extraordinaria paciencia dos vigueses (cos naturais enfados do que non comprende nin moito menos a situación) nestes días explícase pola importancia que ten o sector naval na cidade e polo que moitos entenden como unha reivindicación xustísima, á luz das denuncias das inaceptables situacións laborais que están a vivir moitos deses traballadores. A violencia empregada de xeito ocasional pero efectivo e, sobre todo, rechamante, percura unha posición de forza fronte á patronal e unha chamada de atención a opinión pública sobre o problema. Hoxe, por primeira vez, saen nos diarios e nas teles nacionais: por qué temos que chegar sempre a esta situación? Eu creo que está suficientemente claro para a patronal que este conflicto non pode seguir así. Basta de intransixencias e cheguen, por favor, a un acordo.

4 commenti:

Nuca ha detto...

Profetizo que o seguinte capítulo vai ser unha ameaza de deslocalización por parte da patronal, argumentada pola imposibilidade de traballar nun clima social creado polos raballadores que non é favorable os negocios

Mario ha detto...

O problema creo eu que é global, a industria naval no Estado xa non interesa dende hai ben tempo, e todo o que se leva camiñado é sempre para recortala e levala "silenciosamente" de aquí.

Ana Bande ha detto...

Vergonzosas palabras de desesperación da Sra. Porro "...pido que los que teñan responsabilidad en este asunto tomen las medidas que sean necesarias para impedir más molestias a los ciudadanos...". Traduzo: A Sra.alcaldesa descoñece o problema, descoñece a quen corresponden as responsabilidades (mantemento da orde, dereito de folga...). Sra. Porro e cantos non teñen vergonza de cargarse de postos de grande responsabilidade se ter preparación, ganas e resolución, por favor VA IA SE!

Anonimo ha detto...

A verdade é que a situación do sector naval, alomenos polo que se percibe desde fóra, é realmente alarmante. Cada vez que os traballadores solicitan que se teñan en conta os seus dereitos laborais, van e aparecen os catro capitalistas reaccionarios de sempre e fomentan a tensión de rigor para acrecentar o medo e provocar, así, unha situación de "aparente caos e desorde", co único obxectivo de evitar a toda costa solucionar o problema. Convén lembrar que, históricamente, Vigo foi sempre unha cidade modélica na reivindicación dos dereitos sindicais e moitos dos logros que, no eido laboral, desfrutan hoxe outras cidades débenllo ás loitas das clases traballadoras viguesas. Eis o dato. Que non o esquezan máis de catro "bichicomas", por se acaso.